Probeweekend 2011

Tääätääää, dSaison isch scho wieder in vollem Gang und au das Joor hei sich dBierschnägge wieder ufe Wäg gmacht nach Bärau is Probeweekend! In aller Herrgottsfrüeh simmer zschliche cho an Träffpunkt zRhyfälde…es isch sooo chalt gsi, dass sogar de Rhy dämpft het…brrr!!!

Nachdem alles im Car verstaut gsi isch hämmer eus is mollig warm ufgheizte Innere gsetzt und eus gfreut, dasses äntlich losgoht nit lang hei mr müesse warte bi mir verwöhnt worde si scho gli isch euses Bachprinzässli dNadja cho mit früschem Zopf und nit lang isches gange bis eusi vereinseigeni Eierlikörfee ganz früsch gmachte Eierlikör in Schoggiwaffelbächerli verteilt het…wer das nit scho sälber probiert het wird nit im Asatz chönne nochevollzieh wie geils isch es Probeweekend eso azfo…WÄLTKLASS!!!! > wer jetzt ufe Gschmack cho isch, luegt doch am 11.11.11 zerscht mol am Eierlikör – Ständli verbi!!

Dr Eierlikör het eusi igrorne und no chli müede Chnoche schnäll uftaut und alli sind grossartigschter Stimmig gsi wommer in Bärau acho si!!

Schnäll si Zimmer bezoge und Better verteilt worde…trditions – Näbenandschloofpäärli hei sich gfunde und sogar ganzi „Liebeswiesene„ si igrichtet worde!! ;D Denn no schnäll e Käffeli, es Stuck feine Zopf und für gwüssi e Ziggi und scho isches losgange…proooobe, proooobe, proooobe…alti Stückli si zerscht cho zu, ebizli warm zwärde, bevor mr denn die neue in Agriff gno hei…idr Tutti-Proob, wie au in de Regischterproobe sind an villne Stelle gfiilt worde…mr hei Sache wieder und wieder gspielt, bis mrs scho chli im Bluet gha het unds het richtig afo Spass mache! Gwüüsi Regischter heis so schnäll im Griff gha, dass si chli früehner hei chönne ufhöre und dr Räscht vom Eierlikör no hei chönne kille..mmmmmhhhh, gäll Mädels!!

Irgendeinisch sind denn dLippe und dHänd und dÄrm eifach zu müed worde und all hei gmerkt, jetzt muessme slangsam zum gmüetliche Teil übergoh…und tatsächlich…eusi Suupii – chef het eus dInstrumänt ruhie loh und dr Apero iiglüttet…und so öppis muess mr immene Bierschnägg nit zwoimol säge…in Windeseile hei dSchnäggine dr alljöhrlich – legänderi sälbermitprochti Apero ufe Tisch packt (mr muesses so säge…will filigran aordne gsehcht anderscht us…aber Fründe, das isch eus soooo glich gsi!!! > will sorry, wenn dGäscht sooo schön si, isches egal wie dr Apero usgseht!   ) uf eusem Aperotisch het mr aso gfunde was sHärz begehrt Chips, Schoggi, Nüssli, Sekt, Wii und au Himbeerschnps wommer it rächt gwüsst het öb mr das alternativ au als Konfi chönnt bruche…die ohnihin scho super Stimmig isch numme no besser worde…langsam het mr sich chönne entspanne und sich eifach ufs gsellig si chönne konzentriere! will dBüch langsam hei afo chnure simmer denn gli id Sunne füre trümmlet…bimene feine Fondue heimr dört dr Tag chli chönne Revue passiere lo…dr feini Wiiswii het sicher sis übrige dzue biitreit, dass a allne Egge immer wieder Glächter – Brandhärd usbroche si…oder au seint oder andre Kirschli ( 2cl? nänei, 4cl….aso ich gspür no nüt!! …)

Was sell me säge sÄsse isch denn au mol verbi gsi und denn  – same procedure as every year!!:) es paar sind go chegle…es paar hei eifach ein mitenand gno und chli plauderet!!Dr harti Chärn het sich denn vorne ide Beiz igfunde  und wie all Johr isch vill glacht, gsunge und …ich glaub mr cha da säge…Holdrio vernichtet worde!! …so si lüt vom Stuehl gheit, vor lutter klatsche, Gläser si usgleert ( Hudel, bring mol e Hudel! ) und  sogar de Lord of the Drinks isch am Tisch gsi und defür gsorgt, das jede srächte Getränk vor sich het!

Villi hei gar nit gmerkt wie dStunde verfloge si und sind rächt verschrocke wos denn am 4i gheisse het…Heiwäg aträtte…die ganz Karawane isch zur Unterkunft zruggpilgeret und im Huus isch salljöhrliche Spiessruete laufe losgange…agheiteriti Schnägge chömme zrugg si Huus wo die chli seriösere Schnägge scho am pfuse si…aso am meischte Mais hei die gmacht wo eigentli gar nümm debi gsi sind…(dr wüsset wasi mein: Thömus, bis jetzt molstill! …)…Im Bett den e riese Show…es isch uf Tumm – Tumm gschnarchlet worde, anderne sind fascht dSchlofsäck vom Körper platzt wäge de SOUÖÖFEEE!!!  …do sägi numme: Bravooooo!

dNacht isch schnäller umme gsi als eus lieb gsi isch…mir nit mol soooo veruckt vill Schlof sind die meischte wieder ufgstande und nacheme feine zMorge isches au scho witter gange…prooobe, proooobe, proooobe! dStückli sind immer besser gloffe und hei scho richtig suuupi tönt…nacheme hammer – Hörnlizmittag het denn eusi Unterkunft no müesse putzt wärde…todesmuetigi hei sich bim WC putze no in C – Alarmgebiet müesse wooge… gli simmer fertig gsi und de Car isch eus cho hole…

Gli isches ruhig worde im Car und überall hets echli afo pfuse…sone Probeweeknd isch halt eifach scho unwarschinlich asträngend!aber au eifach immerwieder eeeextrem luschtig! Mir freue eus jetzt scho alli uf die kommendi Fasnacht und jetzt vorallem mol uf dr 11.11.11!!!Chömmet alli und lönd euch astecke vo eusere überus vorfasnächtliche Freud!!!

Fasnachtswuche

Chumm hets agfange isches au scho wieder verbi…immer wieder säge mer das und au das Joor isches eso gsi…

am Afang vo de Fasnachtswuche sind no es paar vo eus uf Luzärn a Urknall dFasnacht go ilütte! wie immer isch dAtmosphäre idere Stadt eifach numme dr Hammer gsi!!!…und dr Lutz au!

alli mitenand simmer denn zobe is Dütsch uf Karsau a Wildeball und spöter uf Schupfert a 3. Faisse…am nechschte Tag isch denn Openair agseit gsi…zLaufeburg hei mr dGässli unsicher gmacht und uf de Bühnene gueti Uftritt anegleit!!

am Samschtig hämmer denn chli früehner müesse ufstoh, will zerscht no de Gönnerapero agstande isch…für eusi Gönner hämmer es Ständi geh und no ein zwoi mitene gno bevors denn witter gange isch uf Herznach an Herzliball…zum Motto hei mr perfekt dezue passt!!! und obwohls jetzt nit eso vill Lüt gha het händ mir Bierschnägge wiedermol super stimmig ind Hütte brocht!

Am Sunntig heimr zerscht e grandioses Katerfrühstück idr Blueme zMagde dörfe gniesse…mir hei alli sovill gässe, dass mr fascht chli Müeh gha hei zum spiele am Umzug in Magde! am Chinderbaöö aschliessend hei mr denn die ville Chinder mit eusne Ballön begeischteret…gli hei mr e Schar um eus umme gha, wonis mit grosse Äugli agluegt hei! aschliessend simmer mitem Car wieder emol uf Karsau a Narremärt und dört isch dr Süessi gsprützti wieder emol titptop gloffe!

Am Fasnachtsmentig simmer wie all Joor am Guggekonzärt in Möhlin gsi und sind denn witter uf Wil zu de Laubbärggugger!!E super Fäscht mitere super Stimmig undeme Hammerpublikum!!!Und au dr Uftritt vo de Gaschtgäber isch es absoluts Highlight gsi!!

Und scho isch wieder Zischtig gsi und dSunne het für eus glachet!!Mir hei dr Umzug in Möhlin bi strahlendem Sunneschii dörfe laufe!!!Nach diverse Uftrittli hets im Warteck es feins Ässe geh und ide Sonderbar isch eusi Fasnacht denn traditinellerwwis zänd gange…für die eine früehner…für die andere spöter!!

Und jetzt isch sogar au scho dr Cherusball verbi…vill Lüt hei mr dörfe begrüesse und e supper Stimmig isch gsi ide Halle und ide Bar!

No eimol dörfe mr i euses Kostüm stoh und bi de Wintersinger nomol go spiele!!

Schön isch es gsi…

Zwoits Fasnachtswucheänd: Rhyfälde / Magde / Rhyfälde

Frittig hämmer frei gha…aber am Samschtig sind alli wieder uf de Matte gstande…uf Rhyfälde isch agseit gsi…Guggekonzärt…do Snarreträffe jo das Johr in Rhyfälde isch, isch im Städtli einiges meh los gsi as suscht amme, damol simmer nit die einzig verchleidete gsi! …de Petrus muess a dem Samschtig ganz e muudrigi Stimmig gha ha oder irgendein het bi de Täller it leer gässe uf jede Fall hets während eusem Uftritt afo rägne und nachem Uftritt hei alli usgseh wie gschläckti müüs… usser sAmanda, die het usgseh, wiene Cocker Spaniel ( kei Ahnig wiemer da schriebt, aber dr wüsset wasi mein …) Durs schlächte Wätter hets denn au it vill Sinn gmacht no witterzspiele…nachem Uftritt ufem Zähringerplatz simmer ufglöst gsi und hei frei chönne verfüege, bises zMagde am Maskeball wittergange isch…die einte si grad uf Magde id Halle, anderi ind Blueme…und wieder anderi sind no zRhyfälde bliebe und hei dört no eine gno! Am 12 hei mr eus denn alli idr Halle zMagde troffe und eus parat gmacht zum spiele…vor hunderte, wenn nit tuuuusige (mindeschtens)  vo Lüt hei mr denn euses Beschte geh!

Au am Sunntig simmer a dem Wuchenänd unterwägs gsi, denn wie gseit…Narreträffe isch agstande. Scho am halb 11i sind alli zum schminke itroffe, denn am 14.15 isch dr Umzug in Badisch Rhyfälde losgange. Dos vorakündigts gsi isch, dass dr Himmel au a dem Tag es Leck wird ha, sind die meischte usgrüschtet gsi und hei no ide Schwiz, wos het afo rägne…die wunderschöne Pellerine afo montiere! Die sind au nit ganz umme suscht gsi, tatsächlich hets wärend em laufe immer chli gepiselt :/ Nachdem mr eus im Dütsche chli iigloffe hei, simmer denn id Schwiz überecho und es het richtig freud gmacht, innere volle Märtgass zspiele!!…au wennd Lieder grad Schlag uf Schag cho si und mr grad chli is schnufe cho isch! A dem Umzug müend mir grandios guet gsi si…euse Spielfüehrer isch grad chli is Züg iecho und het a dem Obe nümm welle ufhöre spiele! Städtli ufe und abe hetter eus gjagt ;p nacheme lange und asträgende Tag isch sNarreträffe zänd gange und alli si chli uf de Fälge gsi!

mr chas chum glaube…die Fasnacht isch scho halb umme…eus bliibt numme no dFasnachtswuche…ich krieg scho Schlofentzugscherschiinige wenni nur dra dänk! gli gli gohts wieder los und denn ziehmeren dure!!

uf e ganz e geili Fasnacht mit ville geile Uftritt….so a la: …uf dr Jagd nach usegrissene Teppich!

2. Faisse: Dossebach – Zuzgä

Soooo…zweiti Rundi!

Nach vier Täg ohni Kostüm und nachdem scho alli langsam nümm gwüsst hei wassi selle azieh…hei mr am Donnschtig wieder chönne idie karrierte Hose stoh! Plant sind Dossebach und Zuzgä gsi…aber will mir sooo geili Sieche si, hets eus no en Zuesatzitritt inegschneit!

Zerscht aber mol het meh müesse gschminkt si und denn isches ab and Schnitzelorgie zu de Zlavica gange (gäll Frau Böschung ohne Umlaut? ) Tiptop gstärkt isches losgange…ab ufe Car wo eus scho d Chauffeuse vom Johrhundert erwartet het…ah nei, het lo warte! Sie isch denn aber no agrauscht cho und het eus uf Möhli gfahre…aso ich säg euch, Inselrundfahrt het ganz e neui Bedütig übercho! Im Verlauf vom Obe het sie denn au no die ein oder andere sinnvolle Funktione ufem Armatuurebrätt gfunde (jaaaa, das ist alles automatisch eingestellt)…ja, ne is klaaaar! ;P…für sie isches glaub grad sones Abentüür gsi wie für eus!

Aber ebbe Uftritt: Z Möhlin hämmer denn gspielt…aso die chliine Chind hei eus super gfunde…und vorallem de Albi mit de Ballön…(Mamiii, ich will noooni heiiii!)…nach Möhlin simmer denn uf Dossebach…dört hets vill Lüt gha…dört hei mr gspielt…dört hei mr e Bon becho…dört  weissi nit öb dLüt eus zueglost hei…dört hei mr no ein gno…dört hets vill Lüt gha ( ah hani scho gseit, aber das chammer ruhig zwoimol säge!    )…denn simmer wieder ab ufe car…und huuiiii richtig Zuzgä…i dere Halle isch warschinlich öppe e Temparatur gsi, wie si anderi gärn i de finnische Sauna hei…aber egaaal…aufgestellt, auf die Bühne, an die Geräte und spiele!! ade Reaktione vom Publikum a und ade Komplimänt wo nachem Uftritt an eus grichtet worde si, simmer glaub nit mol sooo schlächt gsi…..(cha jo jetzt do nit schriebe: Sorry, aber das isch wieder en anderscht geile Uftritt gsi und dene hei mr zeigt wo de Bartli de Moscht holt…wa würd au da fürne IIdruck mache! ….)…und denn hei mr no chli tanzen mit dem Popalpin gmacht, hei adr Bar für Umsatz gsorgt, hei im Weiss zuegluegt, wiener sZuzger Lutzpersonal zum seckle brocht het und wie de Zeiger richtig früehi Morgestunde grückt isch!…Denn si es paar go ligge, es paar go Spaghetti ässe (zum Teil au mit Lüt wosi eifach im poschti gfunde hei) …und anderi si i AUKI! …

Und wieder isch au de 2. Faisse scho umme und eus stönd das Wucheänd no 2 Täg im IIsatz bevor!…I dem Sinn…ufe mit dene Hoseträger, ane mitem Glüehwii ( ich hoff es git glüewii   )…und witter gohts!

Erstes Fasnachtswochenende : Karsau, Hellikä, Nordschwobä, Minseln, Rhyfäldä

Alle Jahre wieder kommt das Chri….ah nei falschi Jooreszit! ;P aber wie alle Jahre sind mir Bierschnägge au da Joor wieder freudig und nervös am 1. Faisse idie neui Fasnacht gstartet!…

Nachdem mr jo am 5./6. Februar scho in Siebne gsi sind het euses Schminkteam die ganzi Gugge scho rächt schnäll gschminkt gha und mit bunte Kostüm und bunte Gsichter isches losgange…ab in Holzschuppe uf Karsau…gfreut hei mr eus uf euse erscht Uftritt und uf eusi Aquarium!! SPlatzagebot isch gwöhnterwiis sehr beängt gsi…aber jede het es Plätzli gfunde…anderscht als einigi nachem Uftritt simmer währenddesse no uf de tisch zfinde gsi!  nacheme glungene Uftritt isch vo de meischte die gröbschti Aspannig mol abgheit und dAquarium hei ihres übrige dezue biigstüüret, dass dStimmig schnäll hochkochet isch! Nacheme guete Uftritt im Rössli zHellike sind denn alli, paar früener paar spöter,  ind Halle füre pilgeret! Au dört simmer e Farbtupfer gsi…mit eusem diesjöörige Kostüm falle mr farbtechnisch würkli guet uf!! Hellike isch wie immer en Bombeuftakt gsi für dFasnacht und die letschte Bieschnägge heis glaub fascht no gseh hell wärde, wosi hei sind!…gunne!

Am Frittig het eus de Gino denn ufere kurveriiche Stross nach Nordschwobä brocht wommer au en guete Uftritt häregleit hei…dr eint het eus sooo guet gfunde, de het immer wölle zmitts im Kreis stoh bi eus… Schnapsdrossle …Stanja het en denn mit de Lira `usebegleitet`… die einte hei no möge und hei Gas geh, die andere hei nit so möge und hei ide Kaffistube a ihrne Fahigkeite im Ballontierli mache gfiilet…so gseh en erfolgriiche Obe für alli! …uf de Heifahrt isch denn die erschti Hardcore-Kazoo-Session anegleit worde…us jedere Reihe isch enanderi Melodie cho…schööööön!

Churz abschminke, churz schlofe….und wittergohts…en stränge Obe isch eus am Samschtig bevor gstande…uf Minsle simmer go spiele und hei gwüsst, dass mr müend pressiere, denn gard nachem Uftritt hets gheisse: Usmarsch, i Car…ab a Füürball…mir spiele dört grad! …het me gmeint …nach ere `Verzögerig` und eme Extragetränkebon (danke, mir isch de iigfahre …) für alli hets denn au chönne losgoh….de DJ het denn au gseh dass mr paratstönd…die Verzögerig het zerscht stellewiis für Unmuet gsorgt, aber schlussändlich glaub de hinterscht und de letscht sooo heiss gmacht ufs spiele, dasses en Highlightuftritt worde isch!!!…dene hei mr de Parkett useghupet!! …Gäll Bruno: …„das sind jo numme drissig…!„ …..JO; ABER DIE DRISSIG RICHTIGE !!!

en glungene Uftakt fürd Fasnacht 2011 … wer will in KNIE wenn mr de Zirkus umd Magdemer Bierschnägge cha miterläbe!!!

ufe witterhin geili Fasnacht…gänd alles!!! … lööööv yüüüü !

Fasnachtswuche

Nachdem dr Startschuss gheit isch simmer am Fasnachtsfrittig in Matzedorf gsi…Schnäggenacht!! isch nit emol esooo gross gsi de Alass und trotzdem hämmer e super Obe gha! Nach ere Stärnwanderig und ere Beizetour simmer dört au no amene Monsterkonzärt aträtte…ganz e glatti Sach…mer händene grad mol rasch euses green day glehrt…O-Ton Benji: hey, lönd doch de andere au mol e chance!!

Am Fasnachtssamschtig simmer denn uf Bassersdorf…wommer ide Halle acho si isch noni sooo vill los gsi!   Spöter simmer denn aber witterzoge und hei dMänschemasse gfunde…im Gegesatz zu Matzedorf isch das e rächt grossi Aglägeheit gsi…vill Vercheideti, vill Guggene, aber au vill Chaote! Es het sich uf alli Fäll glohnt…scho numme damit de Weiss sini 2 Hünd het chönne mit Hei neh!

Am Sunntig isches denn witter gange mit eusem eigene Umzug zMagde…am Chinderball simmer wieder mit de CHleinschte uf de CHnü ummegrutscht und denn i Car gstiege richtig Karsau Narremärt!…neues Jahr, neue Chlapf…ääähhhh, neues Glück! mer muess do a dere Stell mol amerke, dass mir zu dem Zitpunkt scho 4 Täg unterwägs si, übernächtigt und mängisch müed…aber egal, idem Karsau blüeht jetzt eifach jede uf!!! Die einte si chli absits abgsumpfet und hei mol probiert wievill Feigling mr cha trinke a somene Obe…mr muess säge ade Föteli und a de Chläpf aaa sind si keini Feigling und hei gunne! …doch au mir andere hei eus nit lumpe lo…idere Fischerstube si gsprützti Süessi und suuri Komischi übere Tisch öppis ganz verruckts…die Dütsche hei sich sogar gwunderet dass mir so no chönne spiele! …im Buss isch wieder mol herrlich gsi, wo sich alli agheiterete, sehr agheiterete und sehr-sehr agheiterete versammlet hei zum uf Möhli fahre!! zägg zMöhli bi de Sonderbar ustrümmle, anestoh und e geile Uftritt anelegge, as hätts zKarsau nur Sirup geh, dass chönne mr ebbe!!…mr cha jo nohär denn amme no e Holdrio neh und denn MOIN! …oder so wie de Raze…no e Suure Moscht und denn Doppel-MOIN…ab über alli Holzbänkli! ))

Es isch Mentig worde und langsam isch de erschte de Gedanke as Ändi cho…licht wehmüetigi Gsichtsusdrück sind immer hüfiger worde…DFasnacht het scho villi zeichnet gha…Lippe und Händ hei blüetet, Stimme si fascht nümm hörbar gsi und ghuestet isch worde wie bi de Wältmeischter!…aber wenn mr meint dass en Bierschnägg denn lahmet, de het sich tüscht…e super Uftritt hämmer anegleit am Guggekonzärt zMöhlin…und alli hei sich gfreut uf e Umzug am nechschte Tag…

Und denn isch er cho dr gfürchteti Fasnachtszischtig…dr letscht würklichi Fasnachtstag…Bi super Sunneschii hei mr dörfe iistoh füre Umszug…nach em Umzug simmer denn nochli ummezoge und hei ide verschiedene Beize gspielt…als letschti Station simmer ide Sonderbar acho und hei dört no gspielt…nachdem dr Raze im Benji denn dankschön gseit het für sini Zit als Spielfüehrer isch bide meischte fiirobe gsi…die meischte hei sGreenDay nur no unter Träne chönne spiele…es isch e Truurige, e Schöne und e Ufwüehlende Ufritt gsi!!…nachhär het sichs denn chli verteilt..alle hei ihre letscht Obe chli anderscht gstaltet…villi si in de Sonderbar bliebe hange und hei dört dr Max gmacht! für die ganz hart gsottene hets bi de Frau Kym denn no Spiegeleier und Brötli geh…mr muess adere Stell erwähne, dass nur 4 Bierschnäggefraue bis denn durezoge hei…bises hell worde isch…die hei da Johr gunne!

Es isch e super Fasnacht gsi…euse Zämehalt isch das Johr wieder ganz extem spürbar gsi…es isch es superschöns Gfühl wemmer e Teil vo dem Verein isch…will mir si alles geili Sieche!!…aber anderscht!!!

PROUD TO BE A BIERSCHNÄGG!!!! …ich dänk do sprichi jedem vo eus us de Seel!

3. Faisse – Lozärn, Karsau, Schupfart

Und los isch es gange…die offizielli Fasnachtswuche isch iglüttet worde.

Einigi vo eus Bierschnägge sind wie all Joor miteme Büssli uf Luzärn an Urknall…um die 2 Znacht het mr agfange alli isammle und los isches gange in Richtig Fasnachtsstadt!Es isch wie immer e geniale Tag gsi und unter anderem sicher es Fasnachtshighlight…villi gueti Guggene hei mr ghört ( ämmel einigi vo uns …), luschtigi Kostüm und Gfährt hei mr gseh und im Pinocchio hei mr doch au wieder dr ein oder ander Lutz übercho !

Direkt vo Luzärn isches witter gange zum schminke…und denn ab uf Karsau. Obwohl mr früehner dra gsi sind als anderi Joor, isches am Wildeball herrlichscht abgange…mir Bierschnägge hei eusem Name wieder mol alli Ehr gmacht…inecho, ab vord Bühni und ruckizucki wirds Füüdle gschwunge! …einigi Männer hei das leider it mitbecho, si sind ide Bar gsi und hei Bildli agluegt!

Nacheme chleine Fuessmarsch in winterlicher Umgäbig zum Car simmer denn witter uf Schupfert..au dört hei mr immer no möge und hei dHalle chli ufgmischt…mr muess au säge, dassd Luzärner Delegation das Joor erstuunlich fit dure Obe cho isch und au nach fasch 24 Stund immer no es guets Bild gmacht hei! Obwohl einigi nach Karsau roti Chöpf gha hei ( Manu, Rölfi, Benji…moin! …) wäg dene „Tomate„ hei mr is zSchupfart it müesse verstecke…nachem Uftritt simmer no chli idr Halle ummetrümmlet und es git sogar Manne, die hei ihri erschti Tanzstund gha und warte hüt uf die 2!Sehr vorbildlich! Anderi gönd das Thema eher unkonventioneller a und stönd enand ufd Füess bim Tanze!

Was söll mr au säge, es isch wieder emol e geile Obe/ Nacht gsi…eus stoht no die ganzi Fasnachtswuche bevor! Hüt simmer in Matzedorf SO und si gspannt was eus dört erwartet…aber Augen auf es sind ganz hinterlischtigi Chlämmerli im Umlauf, gäll Raze!

Uf e geili Sach hüt zobe, bloose mr de Teppich use!

2. Fasnachtsweekend

Und wiedere Rundi isch verbi!

Es super Fasnachtswucheänd hämmer wieder hinter eus!! Am 2. Faisse simmer zerscht in Dossenbach im Dütsche gsi…e glatti Sach: zerscht macht me en OL durd Halle zum „einen Getränkebon„ löse und nochär probiert mr mol die ganz Getränkecharte dure, was mr chönnt trinke, wo nit NUMME nach Schnaps schmöckt….unglaublich die Dütsche! Das muess mol gseit si, mir chönne amme gar nüt defür, dassmr voll si, aber die tüend eifach unglaublich vill Alkohol i euses zsuffe! )))

Nach dem Abstächer is Nochberland simmer denn zrugg id Schwiiz uf Zuzge, wommer am 1 au no gspielt hei…es tiptops Fäscht hei mr gha!

Am Frittig isch denn offiziellerwiis Ruhetag gsi…E Delegation vo 6 Schnägge isch denn aber doch im Tenue complete uf Eike go dHalle ufmische!…aso ade Shotbar het me eus nach dem Obe kennt und au bide Securitas hei mr en guete Iidruck hinterloh…en rundum glungene Obe!! )

Am Samschtig wieder mit allne an Bord isches witter gange Richtig Görwil, ab and Swissnight…trotz afänglich chli wenige Lüt isch dStimmig gli guet gsi und beschtens gluunt isch mr scho gli wieder im Car Richtig Magde gfahre. Dört am Maskeball hei mr en super Uftritt gha…so guet, dass dr Bruno nach en Uftritt sogar Gält im Huet gha het!!

Am Sunntig hei denn alli wieder gli zu de Fädere us müesse, denn s Narreträffe isch agseit gsi! Das Joor simmer dodefür uf Schwörstadt gfahre…Will mr scho als 11 gstartet si isch dr Umzug für eus gli losgange…mitem Albi als Täfelibueb simer loszooge…Lüt am Strooserand schiine e Freud gha zha a eus!!Chum simmer abgloffe simmer au scho wieder im Ziel gsi, dr Umzug isch gar it so verruckt lang gange! Nachdem alli sInstrumänt deponiert gha hei, isch jede chli ine anderi Richtig go luege…es paar si dr Umzug go fertig luege, anderi si bi de Halle bliebe, hei Guggene glost, ufem Tischtennistisch mit de Rhybieschter tanzt und Glüehwii vernichtet…und wieder anderi si ide diverse Beizli ein go neh! Villi Fasnachtskollege het mr troffe a dem Tag…überall isch gschwätzt, glacht und agstossse worde!!:)

Wos scho idunklet het simmer denn zrugg ufe Car Richtig Hei…am Grüschpegel im Car a sind doch die meischte rächt gschluucht gsi!…es isch scho lütter gsi! …überall si es paar usgstiege, kei Ahnig wer wo ahne isch! Ich weiss nur was die gmacht hei wo zMöhlin use si…ab is Warteck!!!usghungeret simmer gsi und hei öppe z 16te en grosse Tisch in Beschlag gno…es isch it lang gange und dStimmig isch ide Wärmi wieder uftaut!…vo Lamas und Pfaus isch dRed gsi )) und mr hei en sauluschtig Abschlussobe vom 2. Fasnachtsweekend dörfe erläbe!! Im Bett hei denn dänk öppe alli gmerkt wies aghänkt het!

Aber Juhuuuiii, jetzt gohts denn erscht richtig los!!…am Mittwuch zNacht fallt für einigi scho dr Startschuss in Lozärn am Urknall…jedes Joor e Gaudi!!…aber spötischtens am Donnschtig zobe bim schminke heissts für alli: Loooos gohts zunere Wuche Fasnacht am Stück!!!

Ich wünsch eus allne e ganz e geili Fasnachtswuche!!!…und dass mrs soooo guet hei wie mrs bis jetzt gha hei, denn cha nämmli nüt, aber au gar nüt falsch go!!!

1. Fasnachtswucheänd

Dnervosität isch abgflacht, de 1. Faisse isch verbi!

E mänge het de Donnschtig mit zittere, warte, Zit z tot schlo und umme wuusle verbrocht. Wie all Joor hei alli druf gwartet, dasses äntlich los goht!Wie immer si mir zKarsau gstartet und im Dütsche het mr eus wie immer härzlich und begeischteret empfange…nach em einte oder andere Aquarium isch es witter gange uf Hellikä und nacheme super Uftritt hei mr dört echli dHalle ufgmischt.

Nacheme Obe Ruhepause isches am Samschtig denn witter gange, grad nachem Schminke simmer uf Rhyfälde und hei dört für die Änglische Ustuschschüeler es paar Lieder zum Beschte geh…nacheme Apero im Roothuus und emene feine Znachtässe simmer witter uf Minseln…dört isch dPoscht wiedermol abgange und mir si guet iigstimmt gsi für de Füürball in Rhyfälde…au dört hei mr dHalle grockt und nochär wittergfiiret wie die Grosse! ))

Es super erschts Fasnachtswucheänd isches gsi und cha gärn eso wittergo!!!Alles geili Sieche!!!

Lachen, 23.1.10

Dr Startschuss isch gfalle!!!Serscht mol die Saison hämmer eus in euses neue Kostüm gstürzt, serscht mol hei mr farbigi Gsichter gha und festgstellt, dass mr unglaublich edel usgsehnd!…scho uf de erschte Meter im Car het sich abzeichnet, dasses en guete Obe wird…und tatsächlich!! Mr hei de Bäre in Lache grockt (het doch Bäre gheisse oder? …)

Nachdem mr zerscht mol dusse es paar Lieder gspielt hei simmer denn ine und hei dbedienig ade bar grad echli gforderet! …uf die halbi zähni hämmer denn dobe im Saal gspielt und dene viele verchleidete Lüt mol richtig igheizt! Nachem Uftritt hei mr bis am zwei Zit gha zum de Fasnachtsuftakt in volle Züg zgniesse! S Tanzbei isch gschwunge worde, Tango het me tanzt und die suscht  meischt seriöse Mitglieder hei sogar ihri Künscht ade Stange usteschtet! ))

E geile Obe isches gsi und es freue sich glaub alli ufe Donnschtig, will denn goht dFasnacht richtig los und schliesslich ghöre mir bim Probe immer wieder: “Dänket a Hellikä“

PS: Raze, ich glaub ich ha nachem erschte Obe scho gunne! ))