Fasnachtsmentig / Fasnachtszischtig

Am Mentig hei mir Bierschnägge wieder mol verhältnismässig chönne uspfüserle…denn mir hei erscht uf e Obe Schminke gha…ufem Programm ischs Guggekonzärt in Möhlin gstande… bi wieder gfrüürlige Tämperatuure simmer wieder voll parat in Möhlin acho…die meischte mit chnuurendem Mage…idr Sunne e feini Pizza und es paar Heliumballön und scho isch dStimmig wieder sensationell guet gsi! In hells Liecht taucht hei mr denn Zueschauer vom Guggekonzärt grad mol bländet…eusi Farbepracht sig unglaublich guet zur Gältig cho! Die ganzi Stross het eus zuegluegt und zueglost wiemer eusi tolle Stückli zum Beschte geh hei…es het sogar zu de Bächer us dampft so hei mr Gas geh!

Aschliessend simmer witterzoge und hei imene Zält gspielt…meh willi adere Stell dodezue it säge…“Karoline, was seisch du zu dem suuuuper Publikum???!!!`;)

Unbeirrt und immer no mit vill Power im Füüdle simmer witterzoge richtig Sunne…willsi dört aber nit sooo vill Lüt gha hei und mir aber trotzdem unglaublich fescht Luscht zum spiele, hei mr churzerhand uf de Brugg e Platzkonzärt geh…und ich weiss nit wiemer das sell beschriebe…irgendöppis isch im dem Momänt mit eusere Gugge passiert…dEuphorie und dFreud a dere OBERGEILE Fasnacht isch über eus alli gschwappt und kein het meh dört welle stohbliebe wonner eigentlich hätt sölle…so simmer wild durenand gloffe hei e spielendi Bolonäääs gmacht sind ghüpft und gsprunge…i dem Momänt hätt jede unändlich lang chönne spiele…es isch eifach super gsi und sPublikum wommer us allne Egge aglockt hei isch begeischteret gsi…MAGIC MOMENT!!!…und eifach legendär!!!

Wer dänkt, dass nohär de Pfuus dusse gsi isch, kennt eus schlächt…zfriede und glücklich über de tolli Obe und 2 tolli Uftritt simmer denn mitenand ein go schnappe…hei gsunge, tanzt und gjohlet und schöni “ich- ha- Lametta-im-Gsicht-Fötteli“ gmacht. mr si erscht hei womr eus usegstellt het!

Sletscht mol ufstoh und sletscht mol sKostüm alegge…sletscht mol uf Magde zum Schminke fahre sletscht mol mitenand in Sprützrühmli stoh und plaudere…serscht mol isches scho mulmig worde, wo alli Schminkutensilie zämegruumt worde si und fürne Joor versorgt! Lang Zit zum studiere hei mr allerdings nit gha…vorem Umzug het e Stärkig ane müesse…im Resti hei mr huutnöch chönne dBedienig des Jahrtausends miterläbe …aber eus het nüt dVorfreud chönne neh…bi herrlichschtem Wätter hei mr chönne istoh und dr Umzug laufe…toll mit so villne Lüt am Strosserand! dSunne vom letschte Fasnachtstag isch langsam untergange wommer si go zNachtässe…nachem Ässe simmer denn Möhli druf und drab gloffe und hei eusi Ufrittli agstüret…dr Obe isch unterem Motto gloffe “JETZT HAUE MR EIS UFS BLÄCH!!!“ …und plötzlich isch dr vor eus här gschobeni Momänt glich no cho…dr Momänt vorem letschte Uftritt…sletscht Mol het de Schlag agloh, sletscht mol im Gänsemarsch ufd Bühni…und denn hämmer dänkt wemmer scho im MGV si und si morn eh grad abruume, denn hälfe mer echli und bloose mr grad dWänd use …alli hei nomol alles geh…lang gschonti und gsälbeleti Lippe si platzt, hei blüetet und weh gmacht und hei das au dörfe…villicht sogar sölle …zum Schluss nomol Vollgas!!! Mitem letschte Pfiff vom Agi isch denn allne klar gsi…das wars… dFasnacht isch verbi…und vorem Zält acho sind denn au dTrändli cho…nit well mr unglücklich gsi were…nei, numme chli truurig wills Fasnachtsänd jetzt doch zschnäll cho isch, aber au glücklich will mr sone tolli Fasnacht mitenand hei dörfe erläbe…villi luschtigi und schöni Momänt mit guete Fründe, mit geile Uftritt und mit eusem ganze Härzbluet!!!

 

Liebi Fründe vo de Bierschnägge, danke, dass dir mit eus gfeschtet heit, dass dir eus unterstützt heit und a eusne Uftritt e Freud  gha heit…dir machets für eus wärt immer alles zgeh!

Liebi Bierschnägge dass ischse gsi dFasnacht 2012 und es isch eifach numme super gsi!!! Ich dank euch allne für die geili Zit…mir sind eifach die Beschte!!!!!!!!!!!

Öflingen / Möhlin Maskenball / Umzug Magden / Karsau Narrenmarkt

Nachem Guggeopenair isches nit vill Schlof gsi und denn isches au scho wieder zum Schminke gange…anschliessend hei mr eusi Gönner miteme Apero empfange. Nacheme zwüschehalt in Rhyfälde isches denn wittergange ins Dütsche…Öflinge…oooooojeeeee, hets idene Drinks vill Schnaps gha….do hei gwüssi grad e mol e Tisch voll Gläser abgrumt!!!

witter isches gange nach Möhlin wo e Halle uf eus gwartet het wo no mitgoht bide Uftritt!!bi jedem Lied sisi mitghüpft hei mitgsunge und e Fäscht gha…so loht sichs spiele, schliesslich läbt e Guggeuftritt au immer vom Publikum!!!

Nach wiederum nit soooo vill schlof hets scho wieder Farb is Gsicht geh…und es isch schnäll gange, alli hei sich Müeh geh schnäll zsi, denn es feins Katerfrühstück het uf uns gwartet!…mhhhh, idr Blueme hei mr vollgladeni Tisch vorgfunde wommer nach Härzensluscht hei chönne schlemme…herrlich! guet gstärkt simmer denn go istoh füre Umzug zMagde…idr halle hei am Ziel scho villi chli härzigi Fasnächtler am Chinderball gwartet!!Voll Konfetti ÜBERALL simmer denn richtig Karsau…Narrenmarkt!!!schön, schön, schön…im Dütsch hei si eus wieder mit grossemgrosser Freud empfange…isch säg nur : Obermercie!!! In de ganze Stross hets Bars und Beizli und idene hei mr eus denn au verteilt und dr Umsatz akurblet! Dört wonich ghöcklet bi hei eus Cervelat und Cipolata ganz toll bedient…mr hei nie müesse Durscht liide!!

Jetzt bliebe eus nur no hüt und morn und denn isches scho wie……ahhhh waaaaas a das dänke mer gar noni….VOLLGAS no die 2 Täg….das wird no super!!!

Guggenopenair Laufenburg

Hallooooo, Hallooooo, Hallooooo!!!!

S Städtli rüeft!!! Mitere sonderbare Atmosphäre lockt eus dLaufeburger Altstadt all Joor zu sich und es het au das Joor nüt vo sim Charme ibüesst! Wommer zLaufebirg acho sind hämmer scho gli chönne spiele ufr Marktplatzbühni…15 Minute und it länger denn hei mr leider scho müesse dBühni verloh…aber mir si halt au würkli nit die einzige gsi wo hei welle spile…:)

Nachem Uftritt het dObegstaltig denn ganz verschiedeni Wäg gno…einigi si a Rhy abe ind Hüüler Höli anderi si am Märtplatz grad id Barockerbar gstürchlet und wieder anderi sind gemütlich ind Beiz zerscht mol göne Bödeli mache! mit luschtige Momänt undeme gsellige Zämesii isch aber bi allne dZit schnäll ummegange und am 11i isch dr 2ti Uftritt agstande!!Idr Rössli Gass hei mr denn rasch sChopfsteiplaschter lo gwaggle!

Nachem Uftritt isches denn no e Zittli gsi bis de Car gfahre isch und mr het chli chönne go ummegheie…die ien hei e Wüehgly…eeehhhh Glüehwiiii gha….2,3,4…25…..anderi heissi Frösch mit em klare Ziel dBächerli under dDecki zbringe…sorry, dir heit euches beschte geh…mr probieres nechscht Joor nomol!

Mit eme musikalisch begleitete Fuessmarsch zrugg zum Gino zum Car isch dr Obe denn auscho zänd gange…geil Laufeburg, geil!!!

Hüt stoht euse Gönnerapero a und denn Öflige und denn Möhli…mir hei öppis vor!!!…mr gänd alles Schnägge!!!

Lozärn / Karsau / Speuz

Wie all Joor si es paar Bierschnägge gli, gli…gaaaanz gli nach weeeenig Schlof ufgstande und hei sich ufgmacht uf Lozärn an Urknall. De hämmer da Joor so schön gseh wie no nie!…do de Wäg da Joor leider nit is Pinocchio het chönne füehre isch dSuechi nachere neue Lokalität losgange…ganz iifallsrich hämmer eus denn aber doch durch die altbekannte Gasse druckt und gschlänglet und si denn halt idr Beiz näbem Pinocchio glandet…dört hets au Lutz und Holdrio geh, eifach no chli stärkere!!…dos Wätter da Joor nit ganz so guet mitgmacht het hets die eint oder andere au it soooo mängisch voruuse glockt…die hei denn no e Holdrio meh gnoh…hoi Chlapf, ciao Läbe!!! …übrigens es git ganz fantastischi Cookies im Sturbucks…oder im McDonalds…oh mein Gott die Fötteli willi nie gseh!

Uf dr Heifahrt isch denn zimmli schnäll ruhig worde…so kulturelli Usflüg si halt au immer asträngend!

Bim Schminke si denn alli Bierschnägge wieder zämetroffe…gwüssi hei usgseh wies blühende Läbe!

Ab die Poscht isches nach Karsau gange…Wildeball!…sou Fäscht…mir heinen wiederemol grisse…alli ford Bühni und einmal mitsingen 1885- 2011. mir heise alli chönne mitsinge, mittanze…mängisch zwar improvisiert, aber glich. ! Du de Sänger het grad Gänsehut becho! denn hämme no euse Uftritt gha und falls in Karsau öpper würd welle go de Teppich sueche…de hämmer usebloose…sorry he!!!

Aschliessend isches ufe längeri Fahrt gange nach Speuz…mir hei in 2 Beize gspielt und imene Feschtzält…was chani no säge…ei Teil vo Erlinsbach lit im AG de ander im SO…und äääähhhhmmmm joooo…denn simmer wieder hei…einigi im Car hei de 24 Stünder gfiiret…! Mit jedoch grosser Vorfreud ufs Bett!! Und so isch de erscht Obe vo de Fasnachtswuche umme und hüt gohts ab uf Laufeburg…gämmer aaaaaaalles!!!

Magde Maskeball/ Eike Schränzer-Jubifäschtund Narreträffe Murg

Nachdem mr de 2. Faisse chli verdaut gha hei, isches am Samschtig im Kostüm wittergange…Zmagde am Maskeball hei mr es paar Stückli zum Beschte geh und die zwar nit sooo zahlriiche Gäscht doch no rächt zum gumpe brocht! Nachem spiele isches gli wittergange  nach Eike wommer de Chinzhaldeschränzer si zum Jubiläum go gratuliere.Au dört hei mr dHalle nit überfüll vorgfunde, aber wo mir acho si het sich das gli gänderet…ganz im Thema`ganz grosses Kino` vo de Eiker enstprächend hei sich vor de Bühni ganz gueti Szenene abgspielt…was e Filmrolle i eus für en Aktionismus uslöst…kurzentschlosse isch die zumene Fesselseili oder aber au zuenere Limbostange umfunktioniert worde…immer tiefer isch `dLatte` ghanget bis denn sRäbstöckli aghänkt het und ihri aschliessendi Knüüsrutschpartie de Claudi zu Füssen het müesse stoppe!! Nachem versichere, dass nüt ärnschthafts passiert isch si denn vor luter Lache Träne gflosse!! …aber hauptsach ihres Getränk het si chönne rette!! nacheme tolle Uftritt miteme Durazell-Häsli als Groupie isch denn de Obe au scho wieder umme gsi und mr si ufe Car…Showiilag vodr Carfahrt…aaaaaaaRAZRAZ!!!…nachdem er wägere `MUUS` im Car nit hindere uf si Platz het chönne hetter im Gang nochli gsurft und het eus verzellt wies früehner gsi isch wo er `no jung gsi isch` ! …sou Show!

Narreträffe Murg – Sunneschii Pur bi -7 Grad!! brrr!!!…dick im Ziibelesystem ipackt hei mr eus uf gmacht nach Dütschland! und mir si wieder emol en Blickfang gsi…aso mir si jo vo Natur us scho sou schön aber bi dem Sunneschii i eune knallige Farbe am Kostüm und im Gsicht chönne dLüt ihri Auge fascht nit vo eus lo…verständlich! nacheme abentürliche Fuesswäg durch Murgs Hintergärte hei mr euse Startplatz gfunde: 96! …das het bedütet: warte, warte, warte!!!bi dem Wätter jedoch kei Problem…herrlich isches gsi ade Sunne…und de “Teestand“ umme Egge isch au super gsi! …und uf einisch hei mr chönne laufe….und laufe …und laufe…und wenn gmeint hesch sZiel chunnt, simmer no ine anders Sitteströssli ibooge…dThermowösch het scho meh warm geh als de meischte lieb gsi isch wo denn sZiel doch no cho isch!! dört hets denn no glängt zum de Glüehwiistand no chli zbeschäftige bevor de Car eus wieder abgholt het…die meischte hei scho chli es Loch im Buch gha…kei Wunder nach dere Lauferei!…und so sind denn die verschiedenschte Bierschnägge zrugg dehei zäme no öppis feins go ässe und händ sich wieder richtig ufgwärmt und gstärkt…denn het mr chönne hei…go ligge…nacheme zwoite gaaaanz geile Fasnachtsweekend!

…jetzt chammer alli Chräft nomol sammle…wemmer nöchstmol alönd höre mer so schnäll au nit wieder uf…denn gsehnd mr eus jede Tag…und ziehnd dure!!!Rock oooooon!…bis gli…entspanned no chli! ;D

Bierschnägge, geili Sieche…geili Fasnacht…gli gohts witter!!!!!!!!!!!löööööööööööööv youuuuuu! :*

 

 

2. Faisse : Dossebach / Warmbach

Nachere churze Wuche simmer ins 2. Fasnachtswuchenänd gstartet…bim Schminke isch schnäll klar worde, dass ade Fasnacht gsund si Luxus isch!! villi wärde vo Chäfer bloogt, einigi müend mit dene zäme sogar sBett hüete!!…an dere Stell allne ganz gueti Besserig wo sich nit guet ganz fit fühle…mir hoffe, dass dr gli wieder gsund sit!

Mir alli andere si geschter aber loszoge in unser Nachbarland…in Dossebach und in Warmbach hei mr im Publikum guet iigheizt…in Warmbach het eus denn aber s Shöttli igheizt wommer becho hei während em spiele…Chillischnaps…nit zempfehle! *hüestelröchelbäääää*

Hüt hämmer offiziell spielfrei und au mol sone freie tag tuet guet zum neui Chräft ztanke für morn in Mgde am Maskeball und am Sunntig in Murg am Narreträffe…schön Täller leer ässe, damits schön Wätter git!

 

Schraddeparty in Nordschwoobe/ Narrebaumstelle in Minseln (Meislä ;)…) und Chaischte

Wie mr am Titel bereits cha entneh, hei mir Bierschnägge au nachem 1. Faisse kei Ruhephase igleit. Am Frittig isch Schraddeparty agseit gsi. Bereits im Car isch Poscht abgange und mr het no adr neuschte Charthits gfiilet: “What the f***“ …in Nordschwoobe hei mr ächt alli Gas geh…ah jo und gspielt hei mr au no!!! …die Dütsche hei eus wiedermol gliebt und einigi vo eus hei sogar wie Stars müesse mit Fans Föteli mache!!!…die wüsse ebbe no was guet isch!! Pissboddle um Pissboddle hei mr gleert…de Dany het au no e super “Röhrli- ich- bloss- dr- da- Züg- grad-direkt-id-Lunge-Methode“ an eus usprobiert!! *huescht* Dusse hei einigi vo eus Schwiiizerdütsch- Crashkürs geh…“ich bine Aff!“ …wobi de Dütsche muess mr amme au bi ihrere eigene Sproch amme no chlli hälfe,gäll Claudi:“ Bei zerissenen Armbändel gibt es kein Ersatz!“`…jäjä, der Dativ ist dem Genitiv sein Tod…aber Grammatik wird generell überbewärtet…wie schlofe au!!!

Darum simmer au am Samschtig wieder ufd Pischte…Nacheme erschte Zitrekord vom neue Schminkteam simmer scho gli i all eusere Farbepracht parat gsi und nachem Ässe ab i Car…ab vord Bühni und SHAKE YOUR BOOTIES!!…und au eusi gsangskünscht hei mr zum beschte geh: “nossa nossa assim você me mata ai se eu te pego ai ai se eu te pego!!“ (sogar mit choreo…gäll Agi?) …richtig guet in stimmig simmer ufe car…und am 12i hei mr e Geburtstagschind chönne fiire…nomol HAPPY BIRTHDAY; NICOLE!!! …bim astosse isches denn mitem Bier it eso ufgange und mr hei gmerkt, dass mr it emol alli debi hei!!!mitere oberluschtige Extrarundi hämmer denn au dr letscht Paradiesvogel iiglade und ab uf Chaischte!!Nacheme super Uftritt (händ au dHelliker bestätigt) … hei mr e Stund vor Carabfahrt dShotbar grumet…villi Raketli hei mr abgloh … dr Zitronesaft het sich a eusne Magewänd zschaffe gmacht…und nur dr Zitronesaft!! ;D sau glatt isches gsi!!

Und serscht Weekend isch scho umme…do lisch ab!!!…aaaaaber, wäge dem müend mir nit tuurig si, will dFasnacht isch no lang nit verbi…nechscht Donnschtig flattere mer witter und ich glaub ich dörf im name vo allne Bierschnägge säge: MIR FREUE EUS…für eus isch dFasnacht bis jetzt dr Hammer gsi und es cha so wittergo!!!…i dem Sinn…Tschiiirp,Tschiiirp!!!

Als letschts no e chleine Gruess: Halloooo Bumse-Bamse!!!

1. Faisse – Karsau/ Hellikä

Es isch ääääntlich eso wiit…eusi heissgliebti Fasnacht isch losgange!!! Geschter hets serscht mol Farb is Gsicht geh! Mit bunte Farbe sind mir Bierschnägge verziert worde, so dass mr au zu eusem farbefrohe Kostüm passe!!Und mir hei glaub e guete Iidruck gmacht…mr hei vill Komplimänt becho!

wie all Joor isches denn zerscht ab gange im Schuppe zKarsau…bi Bedingige wie inere finnische Sauna hei mr serscht mol gspilet ( ich würd säge minus 3 Pünkt …)und die Dütsch hei wie immer e sou Freud gha a eus!! … nachem spiele sind doch einigi Aquarium übere Tisch wommer leergschlürft hei … voll parat isches denn witter gange nach Hellikä…sofort hei mr chönne spiele und nachdem denn am 12i dHelliker eus mitere anderscht krasse show überzügt hei, hämmer nochär dHalle chli unsicher gmacht und dr Fasnachtsafang gebührend gfiiret!! en durchuus glungene Uftakt!!!

hüt gohts in die 2ti Rundi nach Nordschwoobe!!!…bis gliiiii!!